CE Department

           Christian Education Department cha April 23, 203 liata paduapa a cha. Local Church cha member thaza achy vata Christian Education Department chhitha awpa lupazy atlo pata pabie pata atly theipa cha ma ve. Department chhitha tu awpa hlata Sunday school program he apeimaw viapa ta sie kheipa a cha.

           Sunday School program liata pachutu pazy atlypa chata term y zie hawta atly theipa cha lei pata angiana hawta ngachhipazy ta pachuna hneipa a cha. Adaiti liata kokha chata chakaopa achapa hawta thokhacha ri thlie leipata chakaona ama hneipa a cha. Election mai liata chhitupazy atlypa a cha raw’pata achysa ama y leipa vata luhpazy cha atlo pata atly patlo theipa zacha vei.

           Church Election term 2-3- khai tawta Christian Education Department luhpa cha atlo pata atly theipa a cha. Khazopa ta Church cha byhna pievia lyma ta eima Church Member chhô liata hatizy kaw laiseivia pata Church School akiapazy ama hlu via kaw bapa a cha. Sunday School Program lia heta Sunday School kiapa deisai cha leipata picnic nata ahropa program zy tao pa a cha.

           Sunday School achuna liata hatizy phu miano ta pachhai pata pa chupa ama cha. Pachuna liata phahlana y hraw’sala Khazopa ta Sunday School hatizy achhithana liata tha apatlo ngaitapa a cha. Sunday School hatizy cha achuna nata Awnanopa liata chakaona rai chhao hria hlu ngatapa a cha. Awnano pata ahneipa daiti eipazy liata chakaona ama hnei lymapa a cha.